|
Benquerido/a
amigo/a.
Un ano máis poñémonos en contacto contigo, desde a Delegación
Diocesana de
Pastoral Vocacional, para invitarte e animarte a que participes no
Festival da
Canción Vocacional que este ano chega
á
súa XVª edición. Terá lugar
en Mondoñedo
o sábado 1 de maio do 2010.
Como ben saberás, este ano a Igrexa celebra o Ano Sacerdotal. De aí
que este ano
celebremos o Festival no Seminario Diocesano, por ser un referente
como canteira
de vocacións ao sacerdocio ministerial.
O lema será “Dareivos pastores segundo o meu corazón” (Xer 3,15).
Esta é unha
promesa que Deus nos fai de coidar a súa comunidade, o seu pobo,
mediante homes
que se configuren na persoa de Cristo, o Bo Pastor; como unha
chamada á vocación
ao servizo da comunidade; como guías e ministros dispensadores da
súa graza e
do seu amor a través dos Sacramentos e da súa Palabra.
As cancións versarán sobre este tema. Por se poden axudarvos,
poñémosvos algunhas
citas da Sagrada Escritura: Xer 3; Xn 6 (Multiplicación dos pans e
os peixes);
Xn 10 (o Bo Pastor); Xn 14 (Xesús, camiño, verdade e vida); Xn 15
(Xesús a vide
verdadeira). Tamén, se queredes consultala, tedes a Exhortación
Apostólica de Xoán
Paulo II PASTORES DABO VOBIS que trata sobre a formación dos
sacerdotes e que
comeza coa cita de Xeremías que é o lema do noso festival.
Ademais de poder participar no Festival coas vosas cancións ou coa
vosa
asistencia, invitámosvos tamén a colaborar na elaboración do cartel
do Festival.
No mesmo ten que aparecer o lema, o día e lugar de celebración
así como
quen o convoca.
Pódese facer no formato que se queira e envialo ás direccións de
correo postal ou dixital
que aparecen máis abaixo. Como podedes entender, isto ten que
facerse pronto, polo
que o límite de entrega será o 28 de febreiro. Aquel
cartel que consideremos máis
apropiado, será o que empreguemos para dar publicidade ao Festival
deste ano.
Non só queremos que participedes co canto, nos obradoiros ou na
confección do cartel;
este ano podedes participar tamén realizando unha presentación en
formato PowerPoint
que recolla o sentido do que celebramos no Festival (pode ser unha
presentación cun
conto, redacción, con imaxes ou debuxos, etc…). O prazo límite para
entregalas será
o mesmo que para as cancións. As presentacións que fagades verémolas
o día do
Festival e colgarémolas no noso blog.
Por último, este ano, o primeiro e segundo grupo clasificado da
categoría
xuvenil representarán á nosa diocese no Festival da
Canción Misioneira de Galicia,
que terá lugar en Santiago de Compostela o día 8 de maio. (O
desprazamento
correría a cargo da Delegación Diocesana de Misións).
Se tés algunha dúbida, ponte en contacto con nós:
festivalcancionvocacional@hotmail.com
Só queda animarte a que participes nalgunha das actividades que
presentamos; tamén
podes vir simplemente a participar do día de convivencia e
divertirte coas actuacións.
|
O
