|
CHAMADOS AO AMOR...
Benquerido amig@
Nun esforzo por optimizar recursos e tarefas pastorais nun tempo no que
cada vez clarificamos máis o noso compromiso con Deus, as Delgacións de
Pastoral Xuvenil, Familiar e Vocacional queren xuntas preparar o XIV
Festival da Canción Vocacional.
Como xa sabes, ben seguro, é un acontecemento que xa leva un bo número
de anos en marcha na nosa Diocese. Parécenos moi importante o número de
xente que foi xa participando e agardamos que sexa moita máis.
Queremos nesta carta invitarte
a ti e as persoas que traballan contigo ou ao teu redor a participar
neste Festival. O xeito de participar pode ser tanto preparando unha
canción que teña de fondo o lema deste ano: “CHAMAdos ao amor”, ou
simplemente asistindo a toda a xornada e participando nela.
Para os que vos animedes a
preparar canción adxúntanse as bases nunha folla, e tamen unha folla de
inscrición para que a cubrades e nola enviedes o antes posible para ir
preparando todo para recibirvos como vos merecedes.
O XIV Festival Vocacional terá
lugar en As Pontes o día 25 de abril de 2009, na igrexa do Poblado.
Comezaremos a iso das 10:00 da maña e remataremos aproximadamente sobre
as 20:00 da tarde.
Para calquera dúbida ou para o
envío previo das cancións e dos datos podes atoparnos en:
Festival da Canción Vocacional
Praza do Seminario, 1
27740 Mondoñedo (LUGO).
Tlf 982521000.
pastoralv@yahoo.es
Gustaríanos contar contigo, en primeiro lugar coa túa oración para que
todo saia ben, logo coa túa presencia e tamén co teu compromiso de
invitar a outros.
Anímate e achégate a compartir
con nós esta Xornada.
Antonio Valin Valdés
Delegado de P. Xuvenil
Juan Rodríguez Basoa
Delegado de P. Familiar
Rubén Prieto Rodríguez
Delegado de P. Vocacional
|
