|
CHAMADOS A SER LUZ
Vilalba, marzo 09
Benquerido/a amigo/a:
Un ano máis, o Movemento diocesano Pascua Xove vai organizar no
Seminario de Mondoñedo un novo encontro para vivir e celebra-la Pascua
do Señor: será os días 9 ó 12 abril.
Os destinatarios deste encontro son rapaces/as (a partir de 15 anos),
monitores, animadores, catequistas novos,… en definitiva, xente nova que
queira ter unha experiencia de encontro con Cristo resucitado
(información no tríptico que se che envía).
Sabemos do difícil que resulta
animar a participar nestas cousas, sobre todo porque un encontro así
rompe a dinámica de vacacións e o ritmo habitual dos fins de semana dos
máis novos, pero seguimos crendo que pode ser unha boa ocasión para
afondar e comparti-la fe dun xeito novo, distinto.
O ideal é a participación en
todo o encontro, anque tamén é posible participar só algún día ou vir ás
celebracións. No caso de que alguén queira facer isto, sería bo poñerse
en contacto connosco, por mor da mellor organización.
Anima todo canto poidas,
coméntao, dá a coñecer esta actividade xa asentada desde hai ben anos na
nosa pastoral. Incluso, por qué non, tamén animarte a participar. A
experiencia da morte e resurrección do Señor, nunca deixou indiferente.
Máis nada, recibe un cordial
saúdo, e… boa Pascua!
Movemento Pascua Xove
Dedinex Mondoñedo-Ferrol
(Para máis información, na túa
parroquia, neste teléfono 636010678 ou na seguinte dirección de
correo pascuaxove@gmail.com.
DATA LÍMITE: 5 DE ABRIL)
TRÍPTICO
|
%20de%20PASCUAXOVECARTEL09.jpg)